172 REGISTRES DU BUREAU [i5ia]

CCLXVII. ----- EXPOSICION DE CREANCE PAR MONS^r LE PREMIER PRESIDENT

SUR LE FAIT DE LA FORT1FFICACION DE LA VlLLE. 22 avril i5i2. (Fol. 223 v°.)

Oud. an mil v^c douze, le jeudi xxn^e jour du mois d'Avril après Pasques, auquel jour estoit remise l'assemblée faicte en l'Ostel de la Ville le jour precedent pour oyr, sur les lettres du Roy leues en lad. assemblée, la creance de mons^rle premier president qui en avoit charge dud. S^r: sont comparuz oud. Hostel de la Ville Ies Conseillers et Quarteniers d'icelle Ville, et les maistres, procureurs et gouverneurs des Confrairies et communaultez des marchans et gens de mestier de lad. ville, et plusieurs autres bourgois; et semblablement s'y est trouvé mond. s^rle premier president, qui a exposé aux assistans sa creance bien au long, et dit :

"Mess", le Roy nostre souverain et naturel seigneur, adverty que les Anglois, anciens ennemis du royaume de France, font grans preparatifz de guerre, et ne scet l'on à quelle fin: à ceste cause pour obvier à leurs damnées entreprinses s'ilz vouloient descendre en ce Royaume, le Roy veult bien donner ordre, pour les recueillir, que les villes de ce Royaulme soyent equippées et garnyes d'artillerie, et specialement ceste ville de Paris, qui est la principal et capital de tout le Royaulme et en laquelle toutes autres doivent prendre exemple; et pour ce veult et entend que recharche soit faicte de l'artillerie de la Ville, et que celle qui ne sera trouvée bonne soit reffondue et reffaicte en meilleure forme selon la façon qui court de present; et à ceste fin en-voyera par deçà fondeurs et gens en ce congnoissans.

"Veult aussi et entend led. S^r que chascune con-frarie et communaulté des marchans, gens de mestier et autres en facent faire quelques pieces selon leur possibilité et de la façon qui leur seradevisée; lesquelles pieces d'artillerie seront signées et marquées aux seings et devises d'icelles confraries et communaultez chascune en son esgard, ad ce que l'on puisse à tousjours congnoistre quelles confraries et communaultez les ont fait faire. Et pour subvenir aux fraiz, pourront lesd, maistres, procureurs et gou-

verneurs desd, confraries et communaultez prendre et appliquer les deniers communs d'icelles confraries et communaultez, et pareillement les deniers des disners qu'ilz ont acoustumé faire à l'entrée desd, confraries et communaultez à leur reception, pour quelque temps et jusques ad ce que lesd, fraiz soient remboursez. Et par ce moyen sera le grant honneur et seurté de la ville et habitans en icelle : pour quoy ung chascun s'i doit joyeusement employer.

" Au surplus, Mess¹*³, le Roy veult aussi recharche estre faicte de maison en maison des hommes et harnois qui y sont pour deffendre ceste ville, si besoing en estoit : c'est tout pour nostre seureté. Et pour ce, ung chascun, specialement chefz de maisons, s'estudient à soy equipper et fournir selon leur possibilité de harnois et bastons deffensables.

"Veult en oultre le Roy que l'on revisite les cays, murailles, boulevars, portes et fossez de ceste ville, et aussi que-partout l'on y face diligenment les réparacions requises, utiles et proffitables pour la seurté et deffence de la ville, et que l'on advisé s'il sera point mestier de plus amplement fortiffier tes portaulx desd, portes qu'i ne sont, et de fere nouveaux boulevars.

"Veult pareillement led. S^r que informacion soit faicte des services que luy doivent ceulx tenans fiefz et arrierefiefz demourans en ceste ville de Paris pour les employer à la garde et deffence de cested, ville.

"Et vêla, Mess", ce que le Roy m'a donné charge vous dire et exposer de par luy.

"Le tout tend à l'honneur et proffit de la Ville: par quoy ung chascun de vous y entende diligenment. Pensez et advisez entre vous par voz confraries et communaultez de faire dedans trois ou quatre jours response sur le fait de l'artillerie à mess" Prevost des Marchans et Eschevins, ad ce que, sur cest article et autres cy dessus declerez dont ilz feront Ia diligence, facent response au Roy le plus tost que faire ce pourra."